எனது பாதை

சந்திர கிரகணம் - படங்கள்

2011-12-12T15:24:00.001+08:00

சந்திர கிரகணம் கடந்த டிசம்பர் 10 தேதி இந்தியாவில் முழுவதுமாக காணமுடிந்தது. பூமியின் நிழல் நிலவில் விழுவதால், இந்த கிரகணம் ஏற்படுகிறது. பொதுவாக, சந்திர கிரகணம் சில மணி நேரங்கள் நீடிக்கும். இதைப் பொதுவாக உலகின் அணைத்து இடங்களில் இருந்தும் காண முடியும் (அந்த அந்த இடங்களில் இரவில் ஏற்பட்டால்). சூரியக் கிரகணங்களைப் போல் அல்லாமல், சந்திர கிரகணங்களை நாம் எவ்வித கண்ணாடிகளை அணியாமல் நேராகப் பார்க்கலாம்.

ஒரு வருடத்திற்கு இரு சந்திர கிரகணங்கள் ஏற்படுவதாக அறியப்படுகிறது. ஆனால், நாம் சமீபத்தில் பார்த்த முழு கிரகணம் போல் அமைவதற்கான வாய்ப்பு சற்று குறைவு தான். கிரகணங்கள் ஏற்படுவதை Saros என்னும் கால அளவைக் கொண்டு அறிகிறார்கள்.

அடுத்த முழு சந்திர கிரகணம் 15, ஏப்ரல் 2014 ஆம் வருடம் காண முடியும்.

கீழே கொடுக்கப் பட்டுள்ள சந்திர கிரகணப் படங்கள் நான் சென்னையில் இருந்து எடுத்தது, முழு கிரகணம் முடிந்த பின்னரே என்னால் படம் எடுக்க முடிந்தது,

தாராசுரம் ஐராவதேஸ்வரர் கோவில்

2011-11-10T19:28:00.000+08:00

தாராசுரம் என்றொரு ஊர். கும்பகோணத்திலிருந்து 3 கிமீ தூரத்தில் உள்ளது. இங்குள்ள‌ புகழ் பெற்ற ஐராவதேஸ்வரர் கோவில், 12ம் நூற்றாண்டில் இரண்டாம் இராசஇராச சோழனால் கட்டப்பெற்றது. மிகவும் அழகான சிற்பங்களைக் கொண்டது. 'யுனெஸ்கோ'வால் அங்கீகரிக்கப் பெற்று 'இந்திய தொல்பொருள் ஆராய்ச்சி கழக'த்தால் பராமரிக்கப் பெற்று வருகிறது. சோழர்கள் கட்டிய முப்பெரும் கோயில்களில் இதுவும் ஒன்று. மற்றவை தஞ்சை, கங்கை கொண்ட சோழபுரம் ஆகும்.

இங்கு வடிவமைக்கப் பட்டுள்ள பல சிற்பங்கள், அக்காலத்தில் வாழ்ந்த மக்களின் நிலையை விளக்குகிறது.

கீழே உள்ள படங்களைக் காணவும்.

Darasuram Slideshow: Alexander’s trip to Kumbakonam, Tamil Nadu, India was created by TripAdvisor. See another Kumbakonam slideshow. Take your travel photos and make a slideshow for free.

காஷ்மிர் மக்களின் மூதாதையர்கள் யார்??? (இஸ்ரேலியர்கள்) !

2011-11-08T20:34:00.000+08:00

காஷ்மிர் மக்களின் தோற்றமும் பண்புகளும் இந்திய மக்களை விட்டு மாறுபட்டிருப்பதை நீங்கள் உணர்ந்திருப்பீர்கள். நானும் சற்று சந்தேகம் அடைந்திருந்தேன். சமீபத்தில் ஒரு புத்தகத்தை படித்துக் கொண்டிருந்தேன். அதில், காஷ்மிர் மக்கள், இஸ்ரேலில் இருந்து பிரிந்து வந்தவர்கள் (The lost tribes of Israel) என்று அறியப்படுகிறது. சுமார் 722 BCE ஆண்டுகளுக்கு முன்பு Silk Route மூலம் காஷ்மிரை வந்தடைந்ததாகக் கூறப்ப்டுகிறது. இதை என்னால் முதலில் நம்ப முடியவில்லை என்றாலும், இதற்கான அத்தாட்சிகள் நிறையவே இருக்கிறது. காஷ்மிரில் உள்ள பல இடங்கள் 'ஹீப்ரூவ்' வார்த்தைகளை (Har Nevo, Beit Peor, Pisga, Heshubon) அடிப்படையாகக் கொண்டிருப்பது தெள்ளத் தெளிவாகத் தெரிகிறது.

இன்னும், மோஸஸ்ஸின் (Moses) சமாதி காஷ்மிரில் உள்ளதாகக் தெரிகிறது. பைபிளில் வரும் அரசர் சாலமன் காஷ்மிரில் உள்ள மக்களை வழி நடத்திச் சென்றதாகவும் கூறப்படுகிறது. அதற்கு சாட்சியாக ஸ்ரீநகரில் Solomon Throne இருக்கிறதாம்.

"காஷ்மிர்", "இஸ்ரேல்" ஆகிய வார்த்தைகளை கூகிளில் செலுத்திப் பார்த்தீர்கள் என்றால், நிறைய கட்டுரைகள் காணக் கிடைக்கிறது. அதை உங்களிடமே விட்டு விடுகிறேன்.

இங்கே நான் எழுதியது என்னுடைய கருத்துக்கள் அல்ல. நான் படித்த சில விஷயங்களை பகிர்ந்து கொண்டேன். இது சரியாகவும் இருக்கலாம், தவறாகவும் இருக்கலாம்.

வருகிறது ஐ9000

2010-06-08T20:01:00.003+08:00

ஐ9000 என்றவுடன் ஏதோ ஹுண்டாயின் புதிய வண்டி என்று எண்ணிவிட வேண்டாம். இது சாம்சங் (Samsung) நிறுவனம் புதிதாக வெளிவிடவிருக்கும் செல்பேசி. இது சந்தையில் இந்த மாதம் வெளியாகும் என்று எதிர்பார்க்கப் படுகிறது. இதில் அப்படி என்ன பிரமாதம் இருக்கப் போகிறது என்று எண்ணிவிட வேண்டாம். உண்மையிலேயே இதில் கூறுவதற்கு அதிகம் இருக்கிறது. ஆண்ட்ராய்டு (Android 2.1) இயக்கியை அடிப்படையாகக் கொண்டு வெளியாகியிருக்கும் செல்பேசிகளில் இது முதல் இடத்தைப் பிடிக்கும் என்று எதிர் பார்க்கப் படுகிறது.

இதில் உள்ள புதிய சேவைகள் என்ன என்று பார்க்கலாம்:

4" AMOLED capacitive touchscreen.
1 GHz CPU.
5 MP camera.
720p video recording at 30fps.
Bluetooth 3.0.
HD xVid playback.
Accelerometer.
Swype predictive text input.

இந்த செல்பேசியைப் பற்றி மேலும் அறிய இந்த வீடியோவைப் பார்க்கவும்.

இதன் விலை தற்பொழுது நியமிக்கப் படவில்லை. பொறுத்திருந்து பார்ப்போம்.

மூளையின் அதிர்வுகள்

2010-05-13T12:33:00.003+08:00

நாம் சிந்தனை செய்யும் பொழுதோ, கோவப்படும் பொழுதோ, தியானம் செய்யும் பொழுதோ, நமது மூளை ஒருவித அதிர்வலையை வெளியிட்டுக் கொண்டிருக்கும். இது மருத்துவ ரீதியாகவும் நிரூபிக்கப்பட்டுள்ளது. நாம் கோவப்படும் பொழுதோ அல்லது சந்தோஷமாக இருக்கும் பொழுதோ, அந்த அதிர்வலைகளின் ஓட்டம்(Hz) அதிகமாக இருக்கும். இந்த நிலையில் வெளியாகும் அலைகளை Beta (14-30 Hz) என்று கூறுகிறோம்.

தியானத்தில் ஆழும் பொழுது, அந்த அதிர்வலைகள் குறைய ஆரம்பிக்கும். அடுத்த நிலையை Alpha (8-13.9 Hz) என்று கூறுகிறோம். ஆல்ஃபா தியானம் பற்றி கேள்விப்பட்டிருப்பீர்கள். இந்த நிலையில் நம் மூளை விழித்த நிலையில் ஓய்வுரும். நம் உடலுக்குத் தேவையான Serotonin உற்பத்தியாகும்.

அடுத்த நிலையை அடைவதற்கு, நம் மூளையை நாம் 4-7.9 Hz அதிர்வலைக்குச் செலுத்த வேண்டும். இந்த நிலையை Theta என்று சொல்வார்கள். நீங்கள் உறங்கும் பொழுதோ அல்லது மிக ஆழ்ந்த தியானத்தில் தான் இந்த நிலையை அடைய முடியும். இதை REM (Rapid Eye Movement) sleep என்றும் கூறலாம். இந்த நிலையை அடையும் பொழுது, நினைவாற்றலுக்குத் தேவையான சுறப்பிகள் உற்பத்தியாகும்.

அடுத்த நிலையான Delta (0.1-3.9 Hz)வை அடையும் பொழுது நீங்கள் பறம்பொருளை/பிறபஞ்சத்தை அடைந்திருப்பீர்கள். இந்த நிலையில் உங்களது உடலை மறவீர்கள். இதை நாம் நமது ஆழ்ந்த உறக்கத்திலும் அடையலாம், ஆழ்ந்த தியானத்திலும் அடையலாம். தியானத்தில் நாம் இந்த நிலையை அடையும் பொழுதுதான் அனைவரும் தாமும் பிரபஞ்சமும் ஒன்று என்று கூறுகிறார்கள். இதற்கு கடுமையான பயிற்சி தேவை.

மூளையின் இந்த அதிர்வுகள் ஒவ்வொரு நிலையிலும் (Beta, Alpha, Theta, Delta) எப்படி இருக்கும் என்பதை கீழே கொடுக்கப் பட்டுள்ள இந்த படத்தில் பார்க்கவும்.

யூடியூப் 3D (Youtube 3D)

2010-05-08T10:37:00.002+08:00

3DTVயைச் சுற்றி தற்பொழுது உலக அளவில் பல ஆராய்ச்சிகளும், முன்னேற்றங்களும் நடந்து கொண்டு வருகிறது. ஆங்கிலப் படங்களும் 3Dயில் வெளியாகி சக்கை போடு போட்டுக் கொண்டு வருகின்றன. வெளிநாடுகளில் இன்னும் ஓரிரு ஆண்டுகளில் வீட்டிலிருந்த படியே பல 3D நிகழ்ச்சிகளைப் பார்த்து மகிழலாம். நம் நாட்டிலும் கூடிய சீக்கிரமே 3Dயில் நிகழ்ச்சிகள் ஒளிபரப்பப்படும். வீட்டிலுருந்த படியே 3D நிகழ்ச்சிகளைப் பார்த்து மகிழ பிரத்யேகமான கண்ணாடிகள் தேவைப்படும்.

இப்பொழுதே உங்களுக்கு வீட்டில் இருந்தபடியே 3D வீடியோக்கள் பார்க்க வேண்டுமென்றால், யூடியூப் உங்களுக்கு கைகொடுக்கும். கீழே கொடுக்கப்பட்டுள்ள யூடியூப் வீடியோ பார்க்கவும். இதில் "3D" என்ற "Option"இல் "Cross-eyed" என்பதை தேர்ந்தெடுத்தீர்கள் என்றால், பிரத்யேகமான் கண்ணாடி இல்லாமலே 3Dயில் பார்க்கலாம் (ஆனால், இதற்கு உங்கள் கண்களை ஒருவிதமாக தையார் செய்ய வேண்டும். இது உங்கள் கண்களை பாதிக்கலாம்). இதற்கு நீங்கள் ஒரு கண்ணாடியை வாங்கிக் கொள்வது நல்லது.

http://www.youtube.com/watch?v=6RFuRY7azgA

ஆப்பிள் 'ஐ-பேட்'ன் மேல் ஏன் இந்த கொலை வெறி??? :)

2010-05-05T23:35:00.003+08:00

ஆப்பிள் ஐ-பேட் சந்தையில் வெளிவந்து 28 நாட்களில் 10,00,000 விற்று தீர்ந்துவிட்டது என்று செய்தி வந்து கொண்டிருக்கும் இந்த வேளையில் இவர்கள் ஒரு 'ஐ-பேட்'டை எந்த அளவுக்கு கொடுமைபடுத்துகிறார்கள் என்று நீங்களே பார்க்கவும் :)

என்னா வில்லத்தனம்....

New iPad Test - Will It Shred? from FUEL TV on Vimeo.

ஆப்பிள் ஐ-போனில் லினக்ஸ்

2010-05-02T19:44:00.002+08:00

சமீபத்தில் "ஆண்ட்ராய்ட்" (Android) எனும் கூகிளின் லினக்ஸ் பதிப்பை ஆப்பிள் ஐ-ஃபோனில் இயங்கும் படிச் செய்திருக்கிறார்கள் ஆப்பிள் விரும்பிகள். தற்பொழுது ஐ-ஃபோனின் முதல் தலைமுறை கைப்பேசிகளில் மட்டும் இயங்கும்படி உள்ளது. விரைவில் ஐ-ஃபோன் 3G-யிலும் ஆண்ட்ராய்ட் வந்துவிடும் என்று எதிர்பார்க்கிறார்கள். எனது அலுவலகத்தில் நண்பர் ஒருவர் தனது ஐ-ஃபோனில் ஆண்ட்ராய்ட் பதிப்பை நிறுவியிருந்தார். உபயோகித்துப் பார்க்கும் பொழுது நன்றாக இருப்பதாகவே உணர்ந்தேன். இதன் தொடுதிரை பிற கைப்பேசிகளை விட உபயோகிப்பதற்கு நன்றாக இருக்கிறது.

ஐ-ஃபோனிற்குரிய ஆண்ட்ராய்ட் கோப்புகள் இங்கே உள்ளது.

ஐ-ஃபோனில் இயங்கும் ஆண்ட்ராய்டை கீழே உள்ள வீடியோவில் பார்க்கவும்.

கொரியன் படங்கள்

2010-05-02T16:29:00.002+08:00

நீங்கள் உலகத் திரைப்படங்கள் பார்ப்பவர் என்றால் கண்டிப்பாக கொரியன் படங்கள் பார்த்திருப்பீர்கள். ஒவ்வொரு கொரியன் படத்தைப் பார்க்கும் பொழுதும் அடுத்து எந்த படம் பார்க்கலாம் என்றே எண்ணத் தோன்றும். கீழே கொடுக்கப் பட்டவை அனைத்தும் நான் பார்த்து ரசித்த படங்கள்...

- Old boy
- 200 Pounds Beauty
- Sympathy for Mr.Vengence
- Bin Jip
- My sassy girl
- Windstruck
- Joint Security Area.

மார்க்ஸ் சகோதரர்கள்!!!

2009-11-03T14:47:00.003+08:00

அதிகமாக ஆங்கில திரைப்படங்கள் பார்ப்பவர்களுக்கு மார்க்ஸ் சகோதரர்களைப் பற்றித் தெரிந்திருக்க வாய்ப்பிருக்கிறது. 1930களில் தரமான காமெடி படங்களைத் தந்த பெருமை இவர்களைச் சாறும். யூத மதத்தைச் சேர்ந்த மார்க்ஸ் குடும்பத்தினரில் ஐந்து சகோதரர்கள் ஒன்றாக சேர்ந்து பல நகைச்சுவைத் திரைப்படங்களை கொடுத்தவர்கள். இவர்களது பெயர் Chico, Harpo, Groucho, Gummo மற்றும் Zeppo ஆகும். இவர்களில் Gummo மற்றும் Zeppo அவ்வளவாக படங்களில் நடிக்கவில்லை. அவர்கள் வேறு துறையை தேடிச் சென்றனர். ஆனால் Chico, Harpo மற்றும் Groucho பல படங்களில் காமெடியில் கலக்கி எடுத்திருப்பார்கள்.

இவர்கள் நடித்தது 27 படங்கள் தான். அதிலும், இந்த மூன்று சகோதரர்களும் சேர்ந்து நடித்தது 16 திரைப்படங்கள். அதில் 5 திரைப்படங்கள் American Film Institute (AFI) தயாரிக்கும் "முதல் 100 காமெடி திரைப்படங்கள்" பட்டியலில் இடம் பிடித்துள்ளது. இவர்கள் நடித்த "Duck Soup" என்னும் திரைப்படத்தைப் பார்த்தேன். 1930களில் இவர்கள் காமெடி வசனத்தில் அசத்தியிருப்பார்கள். அதிலும் ஒரு சகோதரர் (Harpo) வசனமே பேச மாட்டார். Groucho நம்ம வடிவேலு போல மீசையை வரைந்திருப்பார். அத்திரைப்படத்தில் இருந்து ஒரு காமெடி காட்சியை கீழே காணலாம்.

ஏ.ஆர்.ரஹ்மானின் 'Couples Retreat' படத்தின் இசை

2009-09-25T14:47:00.003+08:00

'Slumdog Millionaire' படத்திற்குப் பிறகு ஏ.ஆர்.ரஹ்மான் இசையமைக்கும் அடுத்த ஆங்கில மொழிப் படம் 'Couples Retreat'. இது ஒரு நகைச்சுவைத் திரைப்படம். அடுத்த மாதம் வெளியாக இருக்கிறது. இந்த படத்திற்கான பாடல்கள் மற்றும் பின்னனி இசையை http://www.couplesretreatsoundtrack.com/ இங்கு கேட்டு மகிழலாம்.

இதுவரை ரஹ்மான் இசையமைத்து வந்த ஆங்கில படங்கள் அனைத்தும் இந்தியாவை (Bombay Dreams, Slumdog Millionaire) தழுவியே எடுக்கப்பட்டவை. அதனால், அந்தப் பாடல்கள் அனைத்தும் இந்திய ரகங்களிலேயே அமைந்திருக்கும். ஆனால், இந்தப்படம் தான் அவரை இந்திய இசையிலிருந்து வெளியே கொண்டு வருகிறது.

இந்த படத்தின் trailer கீழே கொடுக்கப்பட்டுள்ளது:

குறிப்பு: ரஹ்மான் ரசிகர்களுக்கு, அவரின் பேட்டி CNN-IBN தொலைக்காட்சியில் சனிக்கிழமை (26/9/2009) இரவு 10:30 மணிக்கு ஒளிபரப்பாகும்.

நான் பார்த்த முதல் தென் கொரியன் படம் - Old boy

2009-06-09T13:12:00.002+08:00

தமிழ், ஆங்கிலம் மற்றும் ஹிந்தி படங்களை மட்டுமே பார்த்துக்கொண்டிருந்த எனக்கு தென் கொரியன் படமான "Old boy"ஐ அறிமுகப்படுத்தினார் எனது நண்பர். படத்தை பார்த்து முடித்துவிட்டு இரண்டு நாட்கள் அதிர்ச்சியில் இருந்தேன். காரணம், இது மாதிரியான படம் ஒன்றை நான் இதுவரை கண்டிருக்கவில்லை. கதை அப்படிப்பட்டது.

கதைச் சுருக்கம்: படத்தின் தொடக்கத்திலேயே, ஹீரோ கடத்தப்படுகிறார். ஹீரோவிற்கு கல்யாணமாகி ஒரு பெண் குழந்தை உள்ளது. அவரை 15 வருடங்களாக ஒரு அறையில் அடைத்து வைத்து விடுகின்றனர். ஹீரோவிற்கு தன்னை யார், எதற்காக கடத்தினார்கள் என்று தெரியவில்லை (நமக்கும் தான்). 15 வருடங்களுக்குப் பிறகு அவரை சிறையிலிருந்து விடுவிக்கின்றனர். தன்னை அடைத்து வைத்தவனை கண்டுபிடிக்கும் வெறியில் ஹீரோ அலைகிறார். ஒரு உணவகத்தில் சமையல் செய்யும் பெண்னை சந்திக்கிறார். நாட்கள் ஆக ஆக இருவருக்கும் காதல் வளர்ந்து முற்றி விடுகிறது.

இதற்கிடையில், தன்னை அடைத்து வைத்தவனைப் பற்றி துப்பு துளக்குகிறார். அவன் தன்னுடைய கல்லூரியில் படித்தவனென்று கண்டுபிடித்து விடுகிறார். பழைய கதையை நினைத்துப் பார்க்கிறார். அந்த வில்லனும் அவனது தங்கையும் காதல் செய்துகொண்டிருக்கின்றனர். அதை ஹீரோ பார்த்துவிட்டு தன் நண்பர்களிடம் கூறுகிறார். இதனால் பயமுற்ற அந்த பெண் தற்கொலை செய்து கொள்கிறார். இதனால் ஆத்திரமுற்ற அவளது அண்ணன் (காதலன்) ஹீரோவை பழி வாங்கவே அவனை 15 வருடங்கள் சிறை வைத்துள்ளான். ஆனால், ஏன் 15 வருடங்கள்? ஹீரோ காதல் செய்த பெண் யார்? இதற்கான விடையை நீங்கள் படத்தைப் பார்த்து அறிந்து கொள்ளுங்கள். :)

ஏ.ஆர்.ரஹ்மான் இசையமைத்த எல்லை பாதுகாப்பு படைக்கான பாடல்

2009-05-28T14:11:00.004+08:00

ஏ.ஆர்.ரகுமான் இந்திய எல்லைப் பாதுகாப்புப் படையிரனுக்காக ஒரு பாடலை இசையமைத்துள்ளார். பாடல் படமாக்கப் பட்ட விதம் உண்மையான சண்டைக் காட்சிகளைப் போலவே அமைந்துள்ளது. அதுவும் குறிப்பாக தீவிரவாதிகளிடம் சண்டையிடுவதாகவே அமைந்துள்ளது.

இருந்தாலும், இந்த பாடலில் அவர் ஏற்கனவே இசையமைத்த "போஸ் - தி ஃபர்காட்டன் ஹீரோ" என்ற இந்தித் திரைப்படப் பாடலின் இசையையே உபயோகித்துள்ளார். கீழே, முதலில் போஸ் படப் பாடலையும், அதன் கீழே எல்லை பாதுகாப்புப் படையினரின் பாடலையும் காணலாம்.

போஸ் படத்தின் பாடலை ஏ.ஆர்.ரகுமானே பாடியது போல், அவரே இந்தப் பாடலையும் பாடியிருந்தால் மிகவும் நன்றாக இருந்திருக்கும்.

பிரபாகரன் அவர்கள் பிபிசிக்கு அளித்த செவ்விகள்

2009-05-22T17:16:00.003+08:00

பிரபாகரன் இறந்தாரா உயிருடன் இருக்கிறாரா என்று மக்கள் குழம்பிக் கொண்டிருக்கும் இத்தருணத்தில், பிரபாகரன் 1987, 1991, 1994, 1995 ஆண்டுகளில் பிபிசிக்கு அளித்த செவ்விகளை இங்கு கேட்கலாம். (http://www.bbc.co.uk/tamil/highlights/story/2009/05/090518_prabaiw.shtml)

இதில், அவர் இறுதி மாவீரர் நாளில் அளித்த செவ்வியையும் கேட்கலாம்.

உதகமண்டலம் ஏரியின் தற்போதைய நிலை...

2009-05-06T18:41:00.005+08:00

சென்னையின் கொடூர வெயிலில் இருந்து தப்பி உதகமண்டலம் சென்று சற்று இளைப்பாறிவிட்டு வரலாம் என்று என் நண்பர்களுடன் சென்றிருந்தேன். அறைக்குச் சென்று குளித்துவிட்டு உதகை ஏரிக்குச் செல்லலாம் என்று கிளம்பினோம். என் நண்பர்கள் படகு சவாரி செய்ய ஆசைப்பட்டார்கள். எனக்கு ஏனோ படகு சவாரி செய்ய வேண்டும் என்று தோனவில்லை. அவர்களை வழியனுப்பி விட்டு நானும் எனது மற்றொரு நண்பனும் அவர்கள் வருகைக்காக காத்துக் கொண்டிருந்தோம்.

அப்பொழுதுதான் ஏரியை நன்கு கவனித்தேன். கரையோரம் இரண்டு மீண்கள் இறந்துகிடந்தன. அருகிலிருந்த படகோட்டியிடம் கேட்ட பொழுதுதான் தெரிந்தது, ஊட்டி ஏரியிலும் பாழாய்போனவர்கள் கழிவுநீரை கலந்துவிட்டனர்.

ஒன்றும் சொல்வதற்கில்லை!!! நீங்களும் ஊட்டி ஏரியில் படகு சவாரி செய்ய நெர்ந்ததெனில், கையை ஏரியில் விட்டு விடாதீர்கள். நிறைய பேர் இதை அறியாமல் ஏரியின் நீரில் கையை வைத்து விளையாடுகிறார்கள்.

ரஹ்மான் உபயோகப் படுத்தும் புதுவிதமான இசைக் கருவி

2009-01-31T13:52:00.004+08:00

ஒரு உயர்ந்த இடத்தை அடைவதற்கு எவ்வளவு பாடுபடுகிறோமோ, அந்த இடத்தை அடைந்த பிறகு அந்த இடத்தை தக்க வைத்துக் கொள்ள அதே போல் பாடு படவேண்டும். அதை ரஹ்மான் சரியாகச் செய்வதாகவே எனக்கு தோன்றும். காரணம், புதிய முயற்சிகள் பலவற்றை அவர் தொடர்ந்து செய்து கொண்டே இருக்கிறார்.

தற்பொழுது, ரஹ்மான் மேற்கொண்ட புதிய முயற்சி, University of Illinoisயில் பனிபுரியும் பேராசிரியர் புதிதாக வடிவமைத்த "Continuum fingerboard" என்கிற இசைக் கருவியை இந்திய இசைத் துறைக்கு அறிமுகப் படுத்தியுள்ளார். இந்த இசைக் கருவி பார்ப்பதற்கு keyboard போல் நீளமாக இருக்கும். ஆனால், கருப்பு வெள்ளை கட்டைகள் இருக்காது.

இந்தக் கருவி சொந்தமாக இசையை வெளிப்படுத்தாது. இதை ஒரு midi-synthesizerவுடன் இணைத்துவிட்டு நாம் இந்த கருவியை வாசிக்க வேண்டும். நம் விரல் movementsஐப் பொறுத்து, இந்தக் கருவி synthesizerக்கு சில தகவல்களை அனுப்பும். அந்தத் தகவல்களைப் பொறுத்து synthesizer இசையை வெளிப்படுத்தும்.

கீபோர்ட் மூலம் கர்னாடிக் இசையை கச்சிதமாக உருவாக்க முடியாது. ஆனால், இந்தக் கருவியின் மூலம் அது சாத்தியம் என்கிறார் ரஹ்மான்.

“I fell in love with keyboard playing as a young boy, but I was frustrated because I could not play [Indian] classical music on keyboards because of the limitations of the keys which never let micro-intonation of notes,” he said at the Chicago area concert. “So recently I discovered something that was quite a revelation for me—the Continuum Fingerboard, invented right here in Illinois by University of Illinois Professor Mr. Lippold Haken!”
Courtesy: http://www.ece.illinois.edu/news/headlines/hl-fingerboard.html

இந்தக் கருவியை தற்பொழுது வெளியாகியுள்ள Delhi-6 என்னும் ஹிந்தி படத்தில் வரும் "Rehna tu" என்னும் பாடலின் இருதியில் உபயோகித்துள்ளார்.

இந்த வீடியோவை பார்க்கவும்.

செயலிழக்கும் செயற்கைக்கோள்கள் - குணமாக்கும் ரோபோக்கள்

2008-10-07T23:49:00.003+08:00

நம்முடைய பூமிப்பந்தைச் சுற்றி தற்பொழுது எத்தனை செயற்கைக்கோள்கள் சுற்றிக் கொண்டிருக்கும் என்று உங்களால் கணிக்க முடிகிறதா? இதன் எண்ணிக்கை 8000ஐத் தாண்டும் என்று பொறியாளர்கள் கூறுகிறார்கள். இதில் செயலிழந்த செயற்கைக் கோள்களும் அடங்கும். செயலிழக்கும் செயற்கைக்கோள்கள் விண்வெளியிலேயே விடப்படும். இதை உங்களால் கற்பனை செய்து பார்க்க முடிகிறதா? கீழே உள்ள புகைப்படத்தைப் பார்க்கவும்.

இந்த செயற்கைக்கோள்கள் வெவ்வேறு தேவைகளுக்காக பல நாடுகள் விண்ணில் நிறுத்தியவை. அதனால் இதன் கட்டமைப்புகள் முற்றிலும் மாறுபட்டு இருக்கலாம். இப்பொழுது, கனடாவிலுள்ள Queen's university ஒரு ஆராய்ச்சியில் ஈடுபட்டுள்ளது. அதாவது, செயலிழந்த செயற்கைக்கோள்களை Autonomous Space Servicing Vehicle (ASSV) என்று கூறப்படும் ரோபோ தேடிக்கண்டுபிடித்து, அதைப் பிடித்து இழுத்து வந்து, இதற்காகவே விண்ணில் உருவாக்கப்படும் ஒரு பழுது பார்க்கும் நிலையத்தில் கொண்டு நிறுத்தும். அதன் பின்னர், பூமியில் இருக்கும் கட்டுப்பாட்டு அறையின் மூலம் பழுது பார்க்கப் படுமாம்.

தற்பொழுது அவர்கள் செயலிழந்த செயற்கைக்கோள்களை கணக்கெடுத்துக் கொண்டிருக்கிறார்களாம். கேட்பதற்கு இந்த ஆராய்ச்சி நன்றாக இருந்தாலும், இதில் பல சிக்கல்கள் உள்ளது. சரியாக ஒரு செயற்கைக்கோளை பிடித்து இழுத்து வருவது, செயற்கைக் கோள்களின் கட்டமைப்பின் படி அதை சரி செய்வது, இதெல்லாம் சாத்தியமா என்று பொறுத்திருந்து தான் பார்க்க வேண்டும்.

கூடுதல் தகவல்களுக்கு: http://rcvlab.ece.queensu.ca/~greensm/papers/TaatiIROS05.pdf

மதுரை "கோ கார்ட்" பிரியர்களுக்கு ஒரு நல்ல சேதி

2008-10-04T21:44:00.003+08:00

ஆமாண்ணே!!!

சென்னையில அடிக்கடி "Go Cart" ஓட்டி பழக்கமாயிடுச்சி. விடுமுறைக்காக இப்போ 5 நாள் மதுரையில இருக்கும் போது, என்னோட நண்பர் மதுரையிலயும் "கோ கார்ட்" இருப்பதாக சொன்னார். என்னடா இது? புதுசா இருக்கேன்னு கிளம்பி போனேன். சும்மா சொல்லக்கூடாது. நல்லாத்தான்யா இருக்கு. ட்ராக் நல்லா வளைஞ்சி வளைஞ்சி போறதுனால நல்லாவே இருக்கு. எங்க இருக்குன்னு கேக்குறீகளா. ரிங் ரோட்ல இருந்து சிவகங்கை சாலையில திரும்புனவுடனே வலது கை பக்கமா இருக்குங்க. அஞ்சு நிமிடத்துக்கு ரூ.75/- வசூலிக்கிறாங்க. ஊருக்கு வந்தீயன்னா முயற்சி பண்ணி பாருங்க.

அப்படியே, மதுர காரவுக யாராவது இத படிச்சீகன்னா, மதுரையில "Bowling alley" எங்கயாவது இருந்ததுன்னா தெரியப்படுத்துங்க.

நோகியா 5800 - ஐ - ஃபோன் கில்லர்

2008-10-03T22:06:00.004+08:00

ஆப்பிள் நிறுவனம் ஐஃபோனை வெளியிட்டதுல இருந்து, ஆளாளுக்கு போட்டி போட்டுகிட்டு "ஐஃபோன் கில்லர்"னு புதுசு புதுசா கிளப்பிவிட்றானுக. போன வாரம் தான் கூகிள் நிறுவனமும், டி-மொபைலும் சேர்ந்து ஒரு ஃபோன வெளியிட்டாங்க. இப்போ புதுசா நோகியாவும் கிளம்பிடுச்சு. அனேகமா, நோகியாவோட முதல் டச் ஸ்கிரீன் மொபைலுன்னு நினைக்கிறேன். இதோ, கீழே இந்த புதூ மொபைலோட படங்கள பாருங்க. இந்த வருட கடைசில இந்த மொபைல் இந்தியாவுக்கு வந்திடும்னு எதிர்பார்க்கலாம்.

இதோட மற்ற விபரங்கள்:

3.2" தொடு-திரை.
இதன் எடை சற்று கம்மியே, 109 கிராம்.
மூன்று நிறங்களில் வருகிறது, கருப்பு, சிகப்பு, நீலம்.
8gb microSD கார்டுடன் வருகிறது. (max: 16gb)
3.2 மெகா பிக்ஸல் காமிரா. (30 fps வரை படங்களை பதிவு செய்யலாம்)
Wi-Fi, Bluetooth, GPS.
Standard 3.5 mm ஹெட்-ஃபோன் ஜாக்.
3G சப்போர்ட்.
விலை $340.

ஆனால், இதில் ஒரு பெரிய குறையாக காணப்படுவது, வெளி அப்ளிகேஷன்களை நிறுவ முடியாதாம்.

காதலில் விழுந்தேன் - "உனக்கென நான்" ஒரு டப்பிங் பாடல்

2008-10-03T00:32:00.003+08:00

"காதலில் விழுந்தேன்" பாடல்கள் நன்றாகவே ஹிட் ஆகிவிட்டது. இதில் இடம் பெற்றுள்ள "உனக்கென நான்" பாடல் அப்படியே "ரிஹானா"வின் "Unfaithful" பாடலில் இருந்து காப்பி அடிக்கப் பட்டுள்ளது. இன்னும் சரியாகச் சொல்ல வேண்டுமென்றால், டப்பிங் செய்யப் பட்டுள்ளது. நீங்களே கேட்டுப் பாருங்கள்.

பார்க்க வேண்டிய படங்கள்

2008-10-02T23:33:00.002+08:00

நான் அவ்வளவாக ஆங்கில படங்கள் பார்ப்பது கிடையாது. என்னுடைய நண்பன், தான் பார்த்து இரசித்த படங்களை USB ஹார்ட் டிஸ்கில் 60gbக்கு வைத்திருந்தான். அவனிடம் இருந்து வாங்கி வந்து time-table போட்டு படங்கள் பார்க்க ஆரம்பித்தேன். அதில் நான் மிகவும் இரசித்த படங்களின் பெயர்களை கீழே கொடுத்துள்ளேன். நீங்களும் பார்த்து இரசியுங்கள். டாரண்ட் வெப்சைட்டுகளில் தேடுனீர்களென்றால் இந்த படங்களை பதிவிறக்கம் செய்யலாம்.

அனைத்தும் ஆங்கில படங்கள் என்பதால், ஆங்கிலத்திலேயே எழுதுகின்றேன்.

In silence of lambs (Thriller)
Shooter (Action)
Toy Story (Animation)
Toy Story 2 (Animation)
Enemy at the gates (Action)
In pursuit of Happiness (Classical)
American Beauty
How to loose a guy in 10 days (Comedy)
V for Vendetta (Action)
Forest Gump

ஃபேஸ் புக் அப்ளிகேஷன்கள்

2008-10-01T16:00:00.003+08:00

ஃபேஸ் புக் ஒரு வகையான "Social Networking site". இதன் இந்திய பயனாளர்கள், ஆர்குட்டை விட சற்று கம்மியாக இருந்தாலும், இதன் சிறப்பம்சமே இதன் அப்ளிகேஷன்கள் தான். இதிலுள்ள சில அப்ளிகேஷன்கள் ஒருவிதமான மயக்கத்தை உண்டாக்கிவிடுகிறது. இந்த பதிப்பில் நான் ஃபேஸ்புக்கில் பயன்படுத்தும் சில அப்ளிகேஷனைப் பற்றி எழுதுகின்றேன்.

1. KnightHood

இதுவே நான் பயன்படுத்திய முதல் அப்ளிகேஷன். இந்த அப்ளிகேஷனை ஃபேஸ்புக்கில் நீங்கள் நிறுவிய பிறகு, நீங்கள் ஒரு போர் வீரன். ஆமாம்!!! உங்களுக்கென்று ஒரு ஊர் ஒதுக்கப் படும். தொடங்கும் பொழுது, உங்களுக்காக மூன்று கட்டடங்கள் இருக்கும், Court, Castle, Market. முத்லில், இந்த மூன்று கட்டடங்களில் உங்களது ஃபேஸ்புக் நண்பர்களை assign செய்ய வேண்டும். பிறகு, Castle மூலம் பல கட்டடங்களை கட்ட வேண்டும் (Watchtowers, Wall, Palisade, Hospital, Church, Tower, Outpost, etc).

Watchtower, Wall, Palisade - இந்த மூன்றும் உங்களது இராஜாங்கத்தின் 'defense' கட்டடங்கள். எதிரிகள் உங்களை தாக்கும் பொழுது, இந்த மூன்று கட்டடங்களையே தாக்குவார்கள். இதிலும் நீங்கள் உங்கள் ஃபேஸ்புக் நண்பர்களை நிறுத்த வேண்டும். ஒவ்வொரு நண்பர்களுக்கும் அவர்களது பலத்தை பொறுத்தே எதிரிகளை தாக்குவார்கள். உங்களது பலம் எதிரிகளின் பலத்தை விட அதிகமாக இருந்தால், நீங்கள் வெல்வீர்கள். அல்லது அவர்கள் உங்களது இராஜ்யத்தில் நுழைந்து உங்கள் நண்பர்களையோ அல்லது தங்கங்களையோ பறித்து விடுவார்கள்.

இதைப் போல நீங்களும் பிறர் இராஜ்யத்தைத் தாக்கி தங்கங்களையும், வேலையாட்களையும் பறித்து வரலாம். விளையாண்டு பாருங்க, நல்லா டைம் பாஸ் ஆகும்.

2. Mouse Hunt

இது ஒரு சிறு பிள்ளைத்தனமான விளையாட்டு. என்னவென்றால், நீங்கள் எலி பிடிக்க வேண்டும் (உண்மையாக அல்ல, விளையாட்டில்!!!). முதலில், ஒரு நல்ல எலிப்பொறி வாங்க வேண்டும். பிறகு எலிக்கு மிகவும் பிடித்த Cheese வாங்க வேண்டும். வாங்கிய cheeseஐ பொறியில் நிறப்பி விட்டு காத்திருக்க வேண்டும். அவ்வளவு தான். எலி தானாக மாட்டும். ஒவ்வொரு எலி மாட்டும் பொழுதும், உங்களது Points மற்றும் Gold அதிகமாகிக் கொண்டே வரும். இதைப் பொறுத்து நீங்கள் வேறு அதிக பலம் கொண்ட பொறி வாங்க வேண்டும். இந்த விளையாட்டில் பலவிதமான எலிக்கள் உண்டு (Gold mouse, Steel mouse, Diamond mouse, Zombie mouse, Ninja mouse, etc). சில எலிகள் சற்று உஷாரான எலிக்கள். உங்களது பொறியில் மாட்டாமல், cheese மற்றும் goldஐ சுட்டுட்டு போயிடும்.

3. Speed Racer

இது ஒரு கார் பந்தயப் போட்டி. உங்கள் நண்பர்களையும் இந்த அப்ளிகேஷனை நிறுவச் சொல்லுங்கள். ஒரு காரை வாங்குங்கள். இதை வைத்து உங்கள் நண்பர்களுடன் போட்டி போடுங்கள். சில நேரம் அவர்கள் வெல்வார்கள், சில நேரம் நீங்கள் வெல்வீர்கள். நீங்கள் வென்றால், உங்களுக்கு points கூடும். அதை வைத்து வேறு ஒரு புதிய வேகமான காரை (more mph) வாங்க வேண்டும். அவ்வளவு தான். உங்களது காரின் பவர் அதிகமாக இருந்தால், நீங்கள் வெல்வதற்கு வாய்ப்பு அதிகமாகும்.

4. Motorcycle Madness

இதுவும் Speed Racer போலத்தான். ஒரே வித்தியாசம், இதில் காருக்கு பதிலாக மோட்டார் சைக்கிள்.

இதைத் தவிர தங்களுக்கு ஏதாவது ஒரு நல்ல ஃபேஸ்புக் அப்ளிகேஷன் இருந்தா என்ட சொல்லுங்க!!!

P1i ஹாக்ஸ் - 1

2008-10-01T14:26:00.003+08:00

சென்ற பதிவில் P1i செல்பேசி வாங்கியதாக எழுதியிருந்தேன். என்னைப் பொறுத்தவரை இந்த செல்பேசி என்னிடம் நல்ல பெயரே வாங்கியுள்ளது. Symbian இயக்கி microkernel என்பதால், இதன் வேகம் சற்று குறைவாகவே இருக்கும் என்று எண்ணினேன். இதில் இருக்கும் ஒவ்வொரு சேவையும் ஒவ்வொரு அப்ளிகேஷனாகவே அமைக்கப் பட்டுள்ளது. உதாரணமாக, நீங்கள் ஒரு SMS அனுப்பவேண்டும் என்றால், ஒரு அப்ளிகேஷன் இயங்க வேண்டும். நீங்கள் SMS அனுப்பியவுடன் அந்த அப்ளிகேஷன் மெமரியிலேயே இருக்கும். இவ்வாறு நீங்கள் இயக்கிய ஒவ்வொரு அப்ளிகேஷனும் மெமரியிலேயே இருக்கும். காரணம், "Symbian supports multi-tasking". பல அப்ளிகேஷன் இயங்கும் பொழுதும் இதன் வேகம் குறைவதாக தெரியவே இல்லை. இதற்கு சான்றாக இந்த வீடியோவை பார்க்கவும்.

எனினும், "Contacts" மற்றும் "Messaging" அப்ளிகேஷனின் வேகம் சற்று குறைவாகவே உள்ளதாக எண்ணினேன். இணையத்தில் தேடிப் பார்த்ததில், இதற்கு ஏற்கனவே தீர்வு இருப்பதை அறிந்தேன், http://www.uiqblog.com/2008/05/09/speed-boost-for-your-uiq3-phone/ இந்த ஹாக்கை என்னுடைய புதிய செல்பேசியில் நிறுவுவதற்கு சற்று தயக்கமாகவே இருந்தது. இருந்தாலும் துனிந்து இதை நிறுவினேன். அவர்கள் கூறியது போலவே, இப்பொழுது என்னுடைய "Contacts" மற்றும் "Messaging" அப்ளிகேஷனின் வேகம் மிகையாகவே உள்ளது.

சோனி எரிக்ஸன் பி1ஐ - எச்டிசி டச்

2008-09-27T18:42:00.002+08:00

நெடு நாட்க்களாக புதிய அலைபேசி வாங்க வேண்டும் என்று Nokia மற்றும் Sony Ericsson மாடல்களை ஆராய்ந்து கொண்டிருந்தேன். எனது தேவைகளை முதலில் பட்டியலிட்டேன். பயனம் செய்யும் பொழுது படம் பார்ப்பது (சற்று பெரிய திரையாக இருந்தால் பார்ப்பதற்கு நன்றாக இருக்கும்) , பாடல் கேட்பது, Wi-Fi இணையத்தில் உலாவுவது, pdf புத்தகம் படிப்பது, 3G support உள்ளது. கூடுதலாக Symbianஇல் இயங்கும் ஒரு அலைபேசி தேவைப்பட்டது (program செய்து பார்ப்பதற்கு).

ஆராய்ந்து பார்த்ததில் Sony Ericsson P1i மற்றும் HTC Touch ஆகிய அலைபேசிகளை தேர்வு செய்து வைத்திருந்தேன். P1i எனது தேவைகளை எளிதாக பூர்த்தி செய்தது. ஆனால் விலை அதிகமாகத் தெரிந்தது. அதன் விலை ரு. 17,300/-

HTC Touch

Sony Ericsson P1i

HTC Touch, எனது தேவைகளில் பாதியைப் பூர்த்தி செய்தது. இதில் 3G support இல்லை. Symbian இயக்கி இல்லை, Windows Mobile தான். ஆனால், இதன் திரை சற்று பெரியதாகவே உள்ளது, 2.8". P1iயின் திரை 2.6" (HTC Touchன் திரையை விட சிறியதாக இருந்தாலும், போதுமானதாக உணர்ந்தேன்.) இதன் விலை ரூ. 13,500/-

முடிவாக Sony Ericsson P1iஐ வாங்கிவிட்டேன். இரண்டு வாரங்களாக உபயோகித்துக் கொண்டிருக்கிறேன். நன்றாகவே உள்ளது.

இந்த இரண்டு அலைபேசிகளின் மதிப்பீட்டுகளை கீழே கொடுத்துள்ளேன்.

Sony Ericsson P1i:

2.6" திரை. படம் பார்ப்பத்ற்கு போதுமானதாக உள்ளது.
தொடு திரை. இதன் செயல் திறன் நன்றாகவே உள்ளது.
256K வண்ணங்கள் தான் பார்க்கமுடியும். அதனால், படம் அவ்வளவு தெளிவாக இருக்காது.
QWERTY keyboard. ஒரு கீயில் இரண்டு எழுத்துக்கள். இடப்பக்கமாக அழுத்தினால் 'A', வலப்பக்கமாக அழுத்தினால் 'S'. இதன் பயன்பாடு நன்றாக இருப்பதாகவே உணர்கிறேன்.
இத்துடன் 1GB M2 memory card உள்ளது.
Symbian v9.1, UIQ3.0 platform. ப்ரோக்ராம் செய்வோர் சி++ மற்றும் ஜாவாவில் உங்கள் சொந்த அப்ளிகேஷனை வடிவமைக்கலாம்.
MPEG4 support - only 15fps, 320x240 resolution supported.

கூடுதல் தகவல்களுக்கு http://www.gsmarena.com/sony_ericsson_p1-1982.php

HTC Touch:

சற்று பெரிய திரை, 2.8"
TouchFlo technology உள்ளதால் இதன் UI அற்புதமாக உள்ளது.
பேட்டரி பேக்கப் ஒரு நாள் தான் வருவதாக தகவல்.
Windows programmers, C#ல் ப்ரோக்ராம் செய்யலாம்.
கீபேட் எதுவும் கிடையாது. தொடுதிரையில் கீகள் தோன்றும்.

விண்டோஸை லினக்ஸ் (உபுண்டு) போல் உருமாற்ற

2008-05-28T14:15:00.002+08:00

உங்கள் கணினியில் உள்ள விண்டோஸ் பதிப்பைப் பார்ப்பதற்கு லினக்ஸ் (உபுண்டு) போல் உருமாற்ற, கீழ்க்கண்ட தொடுப்பில் இருக்கும் பதிப்பை காணவும்.

http://www.ubuntugeek.com/how-to-make-windows-look-like-ubuntu.html

ரோபோடிக்ஸ் பிரியர்களுக்கு...

2008-05-20T15:19:00.001+08:00

சிறு வயதிலிருந்து பலருக்கு ரோபோக்கள் மேல் ஆர்வம் அதிகம் இருந்திருக்கும். ஆங்கில சினிமாக்களில் பார்த்து குதூகலித்திருந்தோம். வெளி நாடுகளைக் காட்டிலும் இந்தியாவில் ரோபோக்கள் செய்து மகிழும் நபர்கள் மிகவும் குறைவு தான். எனினும், சமீப காலமாக இந்திய பள்ளி மற்றும் கல்லூரி மாணவர்கள் இதில் ஆர்வம் காட்டி வருகின்றனர்.

ஒரு ரோபோவை உருவாக்க mechanical மற்றும் electronics துறையில் அனுபவம் இருக்க வேண்டும். தவிர creative mind வேண்டும். சிறு குழந்தைகள் ரோபோ வடிவமைத்து ப்ரோக்ராம் பன்னும் அளவிற்கு ஒரு Robotics kitஐ, Lego நிறுவனம் வடிவமைத்துள்ளது. இதை மேலை நாடுகளில் 10 வய்து சிறுவர் சிறுமியர் வாங்கி வித விதமாக ரோபோக்களை உருவாக்கி வெளுத்து கட்டுகிறார்கள்.

எனக்கும் இதில் ஆர்வம் ஏற்பட்டது. சென்ற முறை அமெரிக்கா சென்ற பொழுது வாங்கி வந்தேன். வார விடுமுறைகள் இப்பொழுது திருப்திகரமாக கரைகிறது.

நீங்களும் இதை வாங்க எண்ணினால் எனது ஆங்கில பதிவான இங்கு http://lexos.blogspot.com/2008/02/my-lego-mindstorms-nxt-kit.html செல்லவும். கூடுதல் விவரங்கள் கிடைக்கும்.

நான் உருவாக்கிய சில ரோபோக்களை கீழே கொடுக்கப் பட்டுள்ள யூ-டியூப் வீடியோக்களை பாருங்கள்.

கொடைக்கானல் - 2

2008-05-14T14:06:00.003+08:00

கொடைக்கானல் - 1

2008-05-12T13:46:00.004+08:00

கொடைக்கானலில் நாளுக்கு நாள் சுற்றுலாப் பயணிகளின் வரவு அதிகரித்துக் கொண்டே வருகிறது.

இரண்டு வாரங்களுக்கு முன் அங்கு சென்றிருந்தேன். இதோ, அங்கே சிறைபிடித்த சில படங்கள்.

ரோபோ தீம் ம்யூசிக்காம்.... அய்யோ அய்யோ

2008-03-21T02:20:00.003+08:00

ரஜினி, புது படத்துல நடிக்கிறதா ஒரு அறிவிப்பு வந்துட்டா போதும். ஆளாளுக்கு புது புது கத, பேரு, பன்ச் டயலாக்குலாம் எழுத ஆறம்மிச்சிடறாங்க. இப்போ ரோபோ படம் வேற பயங்கர எதிர்பார்ப்ப கிளப்பீருக்கு. சொல்லவா வேணும். ஆளாளுக்கு சொந்தமா புகைப்படம் வடிவமச்சி இணையத்துல உலாவ விட்டுட்டு, இது உண்மையாவே ரோபோ படத்துல வர ரஜினி கெட்-டப்புன்னு சொல்றாங்க.

இங்க ஒருத்தரு என்ன பண்ணீருக்காருன்னு நீங்களே கேட்டுப் பாருங்க. ரோபோ தீம் ம்யூசிக்காம். கேட்டா புதுசாத்தான் இருந்துச்சு. என்னடான்னு பாத்தா, பாய்ஸ் படத்துல வர்ற "மாரோ மாரோ" பாட்ட கொஞ்சம் மெதுவா ஓட்டி ரெகார்ட் பண்ணீருக்காங்க.

இதுல ஓவரா பில்டப்பு வேற:
The theme music from Robo has been leaked. This is a shock for the Robo team as this is the second time this is happening to the Rajini - Shankar - Rahman duo.

Rahman has used weird electronic beats for this cult track whic is sure to make a buzz on its proper release which is due at least a year away!

இன்னும் இந்த படத்துல கம்போசிங் வேலையே ரஹ்மான் ஆரம்பிக்கல. அதுக்குள்ள......

அய்யோ அய்யோ...

http://www.youtube.com/watch?v=oIu3Bpn33VM

ஸ்லிங் பாக்ஸ்

2008-03-20T04:00:00.002+08:00

இணையம் உருவானதில் இருந்து உலகம் சுறுங்கி விட்டது. வீட்டில் இருந்த படியே எல்லாம் செய்துவிடலாம். அதே மாதிரி, வெளியூருக்கு போன பிறகு, உங்கள் வீட்டு தொலைக்காட்சிப் பெட்டியில் வரும் நிகழ்ச்சிகளை பார்க்க விரும்பினால்? அதற்கு விடை அளிக்கிறது "Sling Box". இந்த கருவியை உருவாக்குவது "Sling Media" என்றொரு நிறுவனம்.

"Sling box" என்பது ஒரு கணினி "bridge" அளவிற்கு இருக்கும். உங்கள் தொலைக்காட்சிப் பெட்டியில் உள்ள Video/Audio out ஐ எடுத்து இந்த பெட்டியில் சொருக வேண்டும். பிறகு, இதில் உள்ள ethernet interface மூலம் இணையத்தில் இணைத்து விடுங்கள். இப்பொழுது உங்கள் வீட்டு தொலக்காட்சி நிகழ்ச்சிகளை எங்கிருந்து வேண்டுமானாலும் பார்க்கலாம்.

இணையத்தில் ஒளிபரப்பாகும் இந்த நிகழ்ச்சிகளைப் பார்ப்பதற்கு "Sling Player" என்ற மென்பொருள் தேவை. இதை உங்கள் கணினியிலோ, அல்லது "Pocket PC"யிலோ நிறுவ வேண்டும். ஒவ்வொரு ஸ்லிங் பாக்ஸிற்கும் ஒரு "Finder ID" உண்டு. இந்த எண்னை இந்த மென்பொருளில் செலுத்தினால், உங்கள் ஸ்லிங் பாக்ஸுடன் தொடர்பு ஏற்படுத்தி, உங்கள் தொலைக்காட்சி நிகழ்ச்சிகளை கணினியிலோ, கையடக்க கணினியிலோ காண்பிக்கும்.

இடையில், வேறு தொலைக்காட்சி நிகழ்ச்சியை பார்க்க வேண்டும் என்று நினைத்தால்? அதற்கும் இதில் விடை இருக்கிறது. ஸ்லிங் பாக்ஸுடன் ஒரு IR sensor உம் வருகிறது. இதை இந்த பெட்டியுடன் இணைத்து மறுமுனையை உங்கள் தொலைக்காட்சி முன் வைத்து விட வேண்டும். ஸ்லிங் ப்ளேயர் மென்பொருளில் உள்ள remoteஐ பயன் படுத்தி நிகழ்ச்சிகளை மாற்றி பார்க்கலாம்.

இது இந்தியாவில் பயன் படுத்துவதற்கு அதிவேக இணையம் தேவை. இது அமேரிக்கச் சந்தைகளில் $100க்கு கிடைக்கும்.

மேலும் தகவல்கள் அறிய, http://electronics.howstuffworks.com/slingbox.htm/printable

கூகிள் ஸ்கெட்ச் - அப்

2008-03-19T05:45:00.003+08:00

கட்டிடத் துறையில் வேலை செய்வோர் கட்டிடங்களை கணினியில் வடிவமைக்க அதிக அளவில் பயன்படுத்துவது, CAD மென்பொருள். எனினும், இந்த மென்பொருளைக் கொண்டு மிகவும் தேர்ந்தவர்கள் மட்டுமே சிறந்த முறையில் கட்டிடங்களை வடிவமைக்க முடியும். ஆனால், கூகிள் ஸ்கெட்ச் - அப் அப்படியில்லை. சாதாரன கட்டிடக் கலையைப் பற்றி எதுவுமே அறியாதவர்கள் கூட இதில் modelகளை உருவாக்கலாம். ஒரு நாள் சும்மா இந்த மென்பொருளை உபயோகித்து பார்க்கலாம் என்று கீழே உள்ள இரு வீடுகளைக் கட்டினேன். :)

இந்த மென்பொருளில் முக்கியமாக உள்ளது "push/pull" டூள். இதை வைத்து சும்மா புகுந்து விளையாடலாம். இம்மென்பொருளை இலவசமாக இங்கு http://sketchup.google.com/ பதிவிறக்கம் செஞ்சிக்கோங்க.

பிறகென்ன, இனி நினச்ச நேரத்துக்கு விதவிதமா வீடு கட்டுங்க. இன்னொரு விசயம். உங்களோட வீட இதுல வடிவமைச்சு கூகிள் எர்த்துல export செஞ்சிடலாம்.

கலக்குங்க!!!

உலக வர்த்தக மையம் - தற்பொழுது

2008-03-18T06:32:00.001+08:00

உலக வர்த்தக மையம் தீவிரவாதிகளால் இடிக்கப் பெற்று ஆறரை வருடங்களாகின்றன. தற்பொழுது, இந்த இடத்தைச் சுற்றி வேலி அமைத்து வேலை செய்து வருகின்றனர். உலக வர்த்தக மையம் இருந்த இடத்தில் மீண்டும் 5 கட்டிடங்களை எழுப்ப உள்ளனர். இதில் உயர்ந்த கட்டிடமாக "ஃப்ரீடம் டவர்" விளங்கும். இதன் உயரம், 1776 அடியாம்.

இந்த இடத்திற்குச் செல்லும் பொழுது, ஏதோ ஒரு மெளனம் நம்மை சூழ்ந்து கொள்கிறது.

இங்கு எடுக்கப்பட்ட புகைப்படங்கள், உங்கள் பார்வைக்கு....

இராச இராச சோழன்

2008-03-08T05:45:00.002+08:00

பொன்னியின் செல்வன் படித்தவர்களுக்கு, இராச இராச சோழனின் பாதிப்பு அதிகமாக இருப்பதற்கு ஒன்றும் ஆச்சரியப்படுவதற்கில்லை. தாஜ் மஹாலுக்கு இணங்க இவர் கட்டிய தஞ்சாவூர் கோயில் விளங்குகிறது. எனினும் இராச இராச சோழன் இந்திய அளவில் பேசப்படுவதில்லை.

சமீபத்தில் இவரைப் பற்றி ஒரு குறும்படம் பார்த்தேன். இதில் இராச இராச சோழன் அற்புதமாக காட்டப் பெற்றுள்ளார். கோயில் கோபுரம் கட்டுவதற்கு கற்களை எப்படி பிளந்தனர் என்று ஆய்ந்துள்ளனர். இதை இதில் கானலாம். யானைகளை கட்டுமான வேலைகளுக்கு பயன்படுத்திய விதத்தையும் கூறுயுள்ளனர். நீங்களும் பார்த்து மகிழுங்கள். இதையெல்லாம் நாம் உலகிற்கு தெரியப்படுத்த வேண்டும். ஆனால், வெளி நாட்டவர் இதை செய்கின்றனர்.

http://video.google.com/videoplay?docid=-5096103596865842301&q=south+king&pr=goog-sl

ப்ளூ-ரே வென்றது

2008-03-01T03:35:00.003+08:00

டோஷிபாவும் சோனியும் சென்ற வாரம் வரை மல்லுக்கட்டிக் கொண்டுருந்தனர். காரணம், இருவரும் வெவ்வேறு தொழில்நுட்பத்தை பயன்படுத்தித் தயாரிக்கும் DVDக்கு அடுத்தபடியான குறுந்தட்டைத் தான். டோஷிபா, தனது HD DVD (High-Definition DVD)ஐ சந்தையில் அறிமுகப்படுத்தியது. இது சாதாரனமாக நாம் பயன்படுத்தும் DVDஐ விட 3.5 மடங்கு தகவலைத் தேக்க முடியும். இக்குறுந்தட்டை அடிப்படையாகக் கொண்டு HD DVD playersயும் வர ஆரம்பித்தது. மக்களும் போட்டி போட்டுக்கொண்டு வாங்கினார்கள். HD DVDயில் வெளி வரும் படங்களும் விலை மிகுதியாக இருந்தது.

இதற்கிடையில், சோனி நிறுவனத்தின் Blu-Ray Disc, HD DVDஐ விட அதிக தகவலைத் தேக்க முடியும் என்று நிரூபித்தது. விளைவு, டோஷிபா தோற்றது. சென்ற வாரம், இனி HD DVD உற்பத்தியை நிறுத்துவதாக அறிவித்தது. இதனால், HD DVD playersஐ வாங்கியவர்கள் கொதிப்படைந்துள்ளனர்.

சோனியின் Blu-Ray தொழில்நுட்ப்பத்தைப் பயன் படுத்தி 50GB வரை தகவலைத் தேக்கமுடியும். எப்படியென்றால், தகவலைத் தேக்க ப்ளூ லேசர் பயன்படுத்தப் படுகிறது. இதன் wavelength சிகப்பு நிற லேசரை விட குறுகியது. ஆதலால், data density அதிகமாகக் கிடைக்கும்.

ஆனால், இந்த ப்ளூ லேசரிற்கு அதிக மின்சாரம் தேவையாம். முன்பு, லேப்டாப்பில் ப்ளூ-ரே ட்ரைவை பொறுத்தி உங்களால் ஒரு முழூ படத்தைக் கூடப் பார்க்க முடியாது. தற்பொழுது, இதை சரி செய்யும் விதத்தில் அதன் சர்க்யூட்டில் மாற்றம் செய்து, படத்தை டீ-கோட் செய்ய nVidia மற்றும் ATI கார்டுகளை பயன் படுத்துகின்றனர்.

இந்தியாவில் இன்னும் இத்தொழில்நுட்பம் எவ்வளவு பிரபலமாகியுள்ளது என்று தெரியவில்லை.சற்று நாட்கள் பொறுத்து கணினி வாங்கினீர்களென்றால், ப்ளூ-ரே பொறுத்தப் பட்ட கணினியை வாங்கவும்!!!

ப்ளூ-ரே டிஸ்க்

யாரடி நீ மோகினி - பாடல்கள்

2008-03-01T01:34:00.005+08:00

யாரடி நீ மோகினி!!!

தனுஷ் மற்றும் நயன்தாரா நடிக்கும் இத்திரைப்படத்தை இயக்கியிருப்பவர் எ.ஜவகர். தெலுங்கிலிருந்து re-make செய்யப்பட்டு தமிழில் வெளியாகிறது. தெலுங்கில் எழுதி இயக்கியவர் செல்வராகவன். இசை அமைத்திருப்பவர் செல்வராகவனின் ஆஸ்தான இசையமைப்பாளர் யுவன் சங்கர் ராஜா. இத்திரைப்படத்தில் மொத்தம் 5 பாடல்கள் இடம்பெற்றுள்ளது. மூன்று பாடல்கள் மிக அருமையாக அமைந்துள்ளது. மெலடி பாட்டுக்கள்.

1. ஒரு நாளைக்குள் எத்தனை கனவு - கார்த்திக், ரீதா
3. வெண்மேகம் - ஹரிஹரன்
4. எங்கேயோ பார்த்த மயக்கம் - உதித் நாரயணன்.

மேலே கூறிய மூன்று பாடல்களும் எனது லேப்டாப்பிலும், MP3 playerஇலும் தற்பொழுது முதல் இடத்தில் உள்ளது. நீங்களும் கேட்டுப்பாருங்கள். விரும்புவீர்கள்.

இத்திரைப்படத்தின் பாடல்களை கேட்டு மகிழ...

ஐபாடில் லினக்ஸை நிறுவ

2008-02-29T07:57:00.003+08:00

ஐபாடை உபயோகிப்போரின் எண்ணிக்கை நாளுக்கு நாள் அதிகரித்துக்கொண்டே போகிறது. இதற்கு, அதன் எளிமையான வடிவமைப்பே காரணம். ஐபாடை இயக்கி வரும் இயக்கி 'ஆப்பிள்' நிறுவனத்திற்குச் சொந்தமானது.

ஐபாடை ஹாக் (hack) செய்து அதில் லினக்ஸை நிறுவினால்? அதற்கு வழி கொடுக்கிறது, http://www.ipodlinux.org/ என்கிற தளம். ஓபன் சோர்ஸை அடிப்படையாகக் கொண்டு, uClinux எனும் லினக்ஸ் கெர்னலை ஐபாடிற்கு மாற்றி எழுதியுள்ளனர். இரண்டாம் மற்றும் மூன்றாம் தலைமுறை 'ஐபாட் நானோ'வைத் தவிர இங்கு கிடைக்கும் லினக்ஸை, மற்ற எல்லா வகை ஐபாடிலும் நிறுவலாம்.

பிறகென்ன? லினக்ஸை நிறுவி, பின் உங்கள் சொந்த applicationனை re-compile செய்து ஐபாடில் நிறுவி ஜமாயுங்கள். ஆனால், லினக்ஸை நிறுவும் பொழுது ஜாக்கிரதையாக நிறுவவும். தவறாக ஏதாவது செய்தால், உங்கள் ஐபாடை பிறகு பயன்படுத்தவே முடியாமல் போய்விடும்.

சென்னை 'ட்ரெக்' நன்பர்களுக்கு....

2008-02-28T03:29:00.002+08:00

சென்னை, பெங்களூரில் வாழும் நன்பர்கள் வார விடுமுறைகளில் ட்ரெக் "Trek" செய்ய விரும்பினால், இங்கு http://sachennaitrekking.blogspot.com/ செல்லவும். இது எனது அலுவலகத்தில் வேலை செய்யும், அடிக்கடி 'ட்ரெக்' செல்லும் நன்பர்கள் சேர்ந்து உருவாக்கியது. மாதம் ஒருமுறையோ அல்லது இருமுறையோ சென்று கொண்டிருக்கிறோம். இப்பொழுது, பிற நன்பர்களையும் வரவேற்கிறோம். இதுவரை, கொடைக்கானல், வெள்ளரிமலா (வயநாடு), செஞ்சி, ஷக்லேஷ்பூர், திருமலா, தடா, மாமல்லபுரம் போன்ற பல இடங்களுக்குச் சென்று வந்துள்ளோம்.

நீங்களும் சேற விரும்பினால், கீழ்கண்ட இடங்களுக்குச் சென்று பதியவும்:
orkut - http://www.orkut.com/Community.aspx?cmm=49594218
google group - http://groups.google.co.in/group/sachennaitrekkingclub

மேலும், http://spreadsheets.google.com/viewform?key=pJRZExD_boRC7HFWyw88vCg இங்கு சென்று உங்கள் விவரங்களை எங்களுக்குத் தெரியப் படுத்தவும்.

என் இனிய இயந்திரா....

2008-02-15T14:15:00.003+08:00

டிஸ்னியும் பிக்ஸாரும் இணைந்தால் போதும். அவர்கள் உருவாக்கும் படங்களில் கற்பனைக்கு பஞ்சமே கிடையாது. அடுத்து இவர்கள் இருவரும் கை கோர்த்திருப்பது, "Wall-E" எனும் ரோபோவை மைய்யமாகக் கொண்டுள்ள படத்தை உருவாக்க. இது மக்களிடையே பெரும் எதிர்பார்ப்பை ஏற்படுத்தி உள்ளது. இவர்கள் இறுதியாக இணைந்தது "Ratatouille" எனும் படத்திற்காக. ரோபோ என்றால் இது ஒரு "Sci-Fi" படம் என்று நினைத்துவிட வேண்டாம். இது ஒரு காதல் படமாம்.

கதைச் சுருக்கம்:
குப்பைகளை சுத்தம் செய்வதே இந்த ரோபோவின் பணியாகும். இந்த உலகத்தில் குப்பைகள் அதிகமாக, மக்கள் அனைவரும் உலகை விட்டு வெளியேறுகின்றனர். கடைசியாக, இந்த இயந்திரம் மட்டும் தனது வேலையை செய்து கொண்டிருக்க, வெளி கிரகத்திலிருந்து "Eve" எனும் ரோபோ வருகிறது. "Wall-E" "Eve" மேல் காதலில் விழுகிறது. ஆனால், "Eve" "Wall-E" போல் மனித உணர்ச்சிகளை அறிந்தது கிடையாது. கடைசியில், "Eve"வை மனம்மாற்றி, இந்த உலகத்தை சுத்தம் செய்து மக்களை மறுபடியும் இந்த பூமியில் வாழ வைக்கிறது.

இந்த படத்தின் Trailer கீழே கொடுக்கப் பட்டுள்ளது:

கோயம்புத்தூரில் "ஏலியன்ஸ்" உலா???

2008-02-14T08:30:00.004+08:00

Stephen Spielberg, E.T. என்றொரு படம் இயற்றினார். வெளி கிரகத்தில் இருந்து "ஏலியன்ஸ்" வ‌ந்து செல்லும் பொழுது, ஒரு "ஏலியன்" மட்டும் பூமியில் மாட்டிக் கொள்ளும். நாம் அந்த படத்தை ரசித்தோம். ஆனால், நிஜத்திலும் அப்படியே இருக்குமா என்ன?

UFO என்றால் Unidentified Flying Objects என்று அர்த்தம். இதுவரை UFOக்கள், இந்தியாவில் யாரும் பார்த்ததாக தகவல்கள் இல்லை. ஆனால், கோயம்புத்தூரில் அவை தென்பட்டிருக்கிறது.

இதோ:

ஸ்டீவ் ஜாப்ஸ்

2008-02-14T05:54:00.003+08:00

இன்று, ஐபாடை (iPod) உபயோகப் படுத்துபவர்களில் பாதி பேருக்கு "ஸ்டீவ் ஜாப்ஸ்" என்றால் யார் என்றே தெரியாது. இவர் தான் ஆப்பிள் நிறுவன‌த்தின் இன்றைய அதிபர் (CEO). இவர் ஆப்பிள் நிறுவனத்தை, 1976ல் Steve Wozniak என்பவருடன் சேர்ந்து நிறுவினார்.

இவர் உலகள‌வில் ஏகப்பட்ட மக்களை தனது அழகு மிகுந்த படைப்புகளால் (Machintosh, iPod, iPhone) கவர்ந்துள்ளார். எனினும், இவர் தான் நிறுவிய நிறுவனத்திலிருந்தே, தனது கோபத்தாலும், அடக்கியாளும் குணத்தாலும் துறத்தப்பட்டார். வெளியில் வந்த பிறகு, "நெக்ஸ்ட்" என்று ஒரு கம்பெனி ஆரம்பித்தார்.

இந்நிலையில், ஆப்பிள் நிறுவனம் நஷ்டத்தில் ஓடிக்கொண்டிருந்தது. அப்பொழுது, ஜாப்ஸின் "நெக்ஸ்ட்" நிறுவனத்தை ஆப்பிள் கம்பூட்டர்ஸ் வாங்கியது. ஜாப்ஸும் ஆப்பிள் நிறுவனத்தின் CEO ஆனார்.

இவரைப் பற்றி, iCon என்றொரு புத்தகம் வெளியானது. இதில், இவரைப் பற்றிய ஏடாகூடமான செய்திகள் வெளியானதால், அதை வெளிவராமல் செய்தார். ஆனாலும், அதை நம்மூரில் பழைய புத்தகக் கடை ஒன்றில் கண்டு, அதை வாங்கிப் படித்தேன். நன்றாக இருந்தது.

இவரைப் பற்றி மேலும் தகவல்கள் அறிய, Steve Jobs

சாய் பாபா அவர்களின் சித்து விளையாட்டுக்கள்!!!

2007-12-31T18:26:00.001+08:00

கீழே கொடுக்கப்பட்டுள்ள‌ காட்சிகளை பார்வையிடவும். சாய் பாபாவை கடவுளாக தரிசிக்கும் அன்பர்கள் பார்வைக்கு!!!

பின்குறிப்பு: இங்கு கொடுக்கப்பட்டுள்ள காட்சிகளுக்கு யாம் பொறுப்பல்ல.

உயிரெழுத்து!!!

2007-12-28T14:27:00.000+08:00

நான் மெய்யெழுத்து, நீ என் உயிரெழுத்து
நம் மெய் பொய்யாகி, உயிர் மெய்யாகி,
நாம் உயிர்மெய் எழுத்தாவது எப்பொழுது???

காட்டு வாழ்க்கை

2007-12-20T18:00:00.000+08:00

காட்டிற்குள் செல்வது இதுவே எனக்கு முதல் அனுபவம். காட்டு வாழ்கை நாட்டில் கிடைக்காது என்றாலும், காட்டிற்குச் செல்லும் முன் நம்மை தயார் படுத்திச் செல்ல வேண்டும். அதுவும், ஓர் இரவு அங்கு தங்குவதென்றால் சாப்பிடுவதற்குத் தேவையான வற்றையும் தூக்கிச் செல்ல வேண்டும்.

பாம்புகள், யானைகள், காட்டு எருமைகள் ஆகிய விலங்குகளை நேருக்கு நேர் சந்திக்க நேரிடும் என்றே மணதை தைரியப்படுத்தி வைத்திருந்தேன். ஆனால், ஏமாற்றம் தான் மிச்சம். நான் என்னிய அளவிற்கு பயமாக இல்லை. எனினும், அட்டை பூச்சிகளால் சிர‌மம் ஏற்பட்டது. என்னுடன் வந்த சிலரை அட்டைப் பூச்சி விட்டுவைக்கவில்லை. அவர்களின் இரத்தத்தை சுவை பார்த்து விட்டது. இலைகள் மேல் நின்று நடனமாடிக் கொண்டிருக்கிறது. நாம் நடந்து செல்லும் பொழுது காலணியில் ஏறிக் கொண்டு, விரைவாக கால்களில் ஏறி இரத்தத்தை உறிந்து விடுகிறது. இதைப் பற்றி கூடுதல் தகவல் அறிய
http://en.wikipedia.org/wiki/Leech சொடுக்கவும்.

சரி, விசயத்திற்கு வருவோம். சென்னை ந(ர)க(ர) வாழ்கையை விட்டு யாரும் மிகுதியாக இல்லாத ஒரு மலைக்குச் சென்று ஒரு இரவு தங்கிவிட்டுத் திரும்பலாம் என்று யோசிக்கும் பொழுது, கேரள மாநிலத்தில் உள்ள வயநாட்டைத் தேர்ந்தெடுத்தோம். கோழிக்கோடிலிருந்து பிரிந்து ஒரு தனி நகர அந்தஸ்து பெற்றது 1980ல். இது மேற்குத் தொடற்சி மலையில் உள்ள ஒரு நகரமாகும்.

வெள்ளி மதியமே அலுவலகத்திலிருந்து விடுப்பெடுத்து, சென்னையிலிருந்து கோழிகோடு செல்லும் இரயிலில் எங்கள் பயண‌த்தை தொடங்கினோம். அதிகாலை 5 ம‌ணிக்கு கோழிகோட்டில் இற‌ங்கி கல்ப்பேட்டா செல்லும் பேருந்தில் ஏறினோம். 2 மணிநேர‌ பிரயாண‌த்திற்குப் பிறகு, மேப்பாடி என்னும் இடத்திற்கு மற்றொரு பேருந்தில் ஏறி காட்டுப் பயண‌ம் தொடங்கும் இடத்தை 11 மணிக்குச் சென்றடைந்தோம்.

அடிக்கடி எங்களைப் போல் சிலர் இங்கு வந்து செல்வதால் பாதை சரியாகவே அமைந்திருந்தது. சில இடங்களில் மட்டும், சற்று சிர‌மப்பட்டு செல்ல வேண்டியிருந்தது. ஆங்காங்கே மரங்கள் உடைந்து பாதையை மறைத்துக் கொண்டு கிடந்தன. 2 மணி நேர கடிண நடைக்குப் பின்னர், உணவு உண்ண ஒரு இடத்தைச் சென்றடைந்தோம். மலைகளின் நடுவே அமர்ந்து நாங்கள் கொண்டு வந்திருந்த உணவை அருந்தினோம். அங்கிருந்து சுற்றி மரங்களாக அமைந்தது, மணதிற்கு அமைதியைத் தந்தது.

பிறகு, 3 மணி நேர கடின நடைக்குப் பின்னர் சரியாக 5:30 மணிக்கு மலை உச்சியை அடைந்தோம். இது வெள்ளரி மலை என்று அழைக்கப் படுகிறது. 6 மணிக்கெல்லாம் குளிர ஆரம்பித்துவிட்டது.

எங்களுடன் வந்த வழிகாட்டுனர்கள், விறகுகளை சேகரித்து பின் தீ மூட்டினர். நன்றாக குளிர் காய்ந்து, கூடாரங்கள் அமைத்து கண்ணுறங்கி, பின் காலை எழுந்து கிராமத்தை நோக்கி நடக்க ஆரம்பித்தோம். 4 மணி நேர கடிண நடைக்குப் பின், ஆரம்பித்த இடத்தை வந்தடைந்தோம்.

இப்பொழுது, காட்டு வழி பயணத்தை நினைத்துப் பார்த்தால், கனவு போல் உள்ளது. இங்கு சிறை பிடித்த சில வண்ணப் படங்களை பார்வையிட கீழே கொடுக்கப் பட்ட சுட்டியை சொடுக்கவும்.

VellariMala Trek - Dec '07

வெடிப்பு நிகழும் !!!

2007-12-07T18:31:00.000+08:00

அமுக்கு, அமுக்கு
இன்னும் சற்றே அதிகம் அமுக்கு
அழுத்தம் அதிகரிக்கும்!
வெடிப்பு நிகழும்!

சுடு சுடு
நூறுபேர் விழட்டும்
துப்பாக்கியைச் சுழற்றிச் சுடு
ஆயிரக் கணக்கில் அவர்கள் விழட்டும்
பிறகு தான்
லெட்சம் லெட்சமாய் அணிகள் திரளும்
துப்பாக்கிகள் நொருங்கிச் சிதறும்.

மயிலாசனத்தின் அரசியல் அநாதையை
நீ அறியாயா?
நீங்கள் குருடர்
பிறவிக் குருடர்
வரலாறு உமக்குத் தெரிவதே இல்லை.

1980ல், எம்.ஏ.நுஃமான் இலங்கை ராணுவத்தைப் பார்த்து எழுதியது!!!

மறுபக்கம்

2007-01-11T13:03:00.000+08:00

ஏம்பா உன்னோட பையனுக்கு வேல கிடச்சிருச்சா?

ஆமாம்பா. இப்போ தான் கஷ்டப்பட்டு ஏதோ ஒரு ஸாஃப்ட்வேர் கம்பெனில வேலைக்கு சேந்தான். நல்ல சம்பளம் குடுக்குறாங்க. ஆமாம், உன்னோட பையன் என்ன ஆனான்?

என்னோட பையனும் ஸாஃப்ட்வேர் கம்பெனில தாம்பா வேல பாக்குறான். இப்போ அவனுக்கு ப்ரொமோஷன்லாம் குடுத்தாங்க.

அப்படியா?

"ஆமாம். ஃப்லோர் க்ளீனரா இருந்து, இப்போ ஆபீஸ் பாயா ஆயிட்டான்ல!", தன் மகனைப் பற்றி பெருமையாக சொல்லிக்கொண்டார்.

இதுவல்லவோ நட்பு???

2006-08-29T14:25:00.000+08:00

சமீபத்தில், எனது நன்பர் ஒருவரிடம் உரையாற்றிக்கொண்டிருந்த பொழுது, அவர் படித்த ஒரு ஆங்கில கதை பற்றி என்னிடம் கூறினார். அது எனது மனதை வெகுவாக பாதித்து விட்டது. படித்துப் பாருங்கள். உங்களைக் கூட அந்த கதை பாதிக்கலாம்.

இரண்டு நன்பர்கள் போர்க்களத்தில் ஒன்றாக சென்று போர் புரிகின்றனர். இருவரும், ஒருவரை விட்டு ஒருவர் போருக்குச் செல்ல மாட்டார்கள். ஏனென்றால், போர்க்களத்தில் ஒருவர் மடிந்து ஒருவர் உயிர் வாழ்வதை இருவரும் விரும்பவில்லை.

ஓர் நாள், அந்த இரண்டு நன்பர்களில் ஒருவனுக்கு, போர்க்களத்தில் காயம் பட்டது. காயம் சிறிது என்றாலும், அவனால் மருநாள் போர்க்களத்திற்கு செல்லமுடியவில்லை. தனது அறையில் ஓய்வெடுத்துக் கொண்டிருந்தவனை அவனது நன்பன் சந்தித்து, "நான் சென்று வருகிறேன். உன்னால் இன்று போர்க்கள‌த்திற்கு வர முடியாது. ஆதலால், நீ ஓய்வெடுத்துக் கொள். மாலை உன்னை சீக்கிரமாக வந்து சந்திப்பேன்" என்று கூறிவிட்டுச் சென்றான்.

போர்க்களத்தில், எதிர்பாராத விதமாக இவன் சென்ற குழுவை எதிரிகள் சூழ்ந்து கொண்டார்கள். என்ன செய்வதென்று தடுமாறிய போது, இவர்கள் மீது எதிரிகள் குண்டுகளை மழையாக பொழிந்தார்கள். குண்டடி பட்டு நமது நன்பன் கீழே விழுந்தான். ஆயினும், உயிர் அப்பொழுதே பிரியவில்லை.

இந்த தகவலை அறிந்த அவனது நன்பன், "நான் சென்று என் நன்பனைப் பார்க்க வேண்டும். அவன் என‌க்காக உயிரைப் பிடித்து காத்துக்கொண்டிருப்பான்." என்று கூறினான். அதற்கு அவனது மேலதிகாரிகள் மறுத்துவிட்டனர். "நீ காயம் பட்டுள்ளாய். போர்க்களம் சென்றால் நீயும் உயிர் விட வேண்டியது தான்" என்றனர்.

அவர்கள் பேச்சை பொருட்படுத்தாமல், தனது காயங்களை மதிக்காமல், அவன் போர்க்களம் சென்றான். போர்களத்தில், காயம் பட்டு சுயநினைவை இழந்திருந்த தனது நன்பனை மடியில் ஏந்திக் கொண்டு கன்னீர் விட்டு கதறி அழுதான்.

அப்பொழுது, பூ மலர்வதைப் போல் தனது கண்களைத் திறந்து அவன் நன்பன், "வந்துவிட்டாயா? நான் உனக்காகத் தான் காத்திருந்தேன். நீ... நீ வருவாய்... என்று நான் அறிவேன்." என்று கூறியதும், வாடிய பூ போல் தனது உயிரை நன்பன் மடி மீதே விட்டான்.

இதைக் கேட்டதும், அவன‌து நன்பன் அவனை இறுக கட்டிக் கொண்டு, வானத்துக்கும் பூமிக்கும் சேர்த்து அழுதான். எதிர் பாராதவிதமாக, அவன் பின்னால் இருந்து பாய்ந்து வந்த குண்டு, அவன் உயிரயும் சேர்த்து கொண்டு சென்றது.

ஏற்கெனவே, குண்டடி பட்டிருந்த இவனை அந்த குண்டு வெகு நேரம் விட்டு வைக்கவில்லை. அவன் விட்டது தனது உயிரையென்றாலும், தனது நன்பனை விட்டு விடவில்லை. அவனை இறுக கட்டிக் கொண்டே மண்ணில் விழுந்தான்.

அன்று இற‌ந்தது இரு உயிர்கள் என்றாலும், அவர்கள் போற்றி வந்த நட்பு அல்ல.

காஞ்சி ஏகம்பரநாதர் கோயில்

2006-08-22T15:05:00.000+08:00

இரண்டு வாரங்களுக்கு முன்பு, காஞ்சிபுரம் சென்று ஆலய தரிசனம் பெற்று திரும்பியிருந்தேன். அங்குள்ள சிறப்பு வாய்ந்த கோயில்களைப் பற்றி புகைப்படங்களுடன் தங்களிடத்தில் பகிர்ந்து கொள்கிறேன்.

முதலில், பழமை வாய்ந்த ஏகம்பரநாதர் கோயிலை பற்றி இங்கு எழுதுகிறேன். இந்தக் கோயில் 3500 வருட கால வரலாற்றைக் கொண்டது. இங்குள்ள கோயில் கோபுரம் 192 அடி உயரமாக அமைந்துள்ளது இதன் சிறப்பம்சமாகும். இது தென்னிந்தியாவில் உள்ள மிக உயர்ந்த கோபுரமாக போற்றப்படுகிறது.

கோயில் கோபுரம்

கோபுரத்திற்கு ஈடு கொடுக்கும் கதவு.

கோயிலினுள்ளே...

வரலாறு:
இந்தக் கோயிலின் வரலாறு மிக அழகாகக் கூறப்பட்டுள்ளது. சுமார், 3500 வருடங்களுக்கு முன்னர் சிவபெருமான் கைலாசத்தில் தவம் செய்து கொண்டிருக்கும் பொழுது, பார்வதி தேவி சற்று விளையாட்டிற்காக பரமசிவனின் கண்களை மூடியுள்ளார். இதனால் கோபமுற்ற சிவன், பார்வதியை தண்டனை அடையச் செய்ய பூலோகத்திற்கு அனுப்பினார்.

பூமிக்கு வந்த பார்வதி, ஒரு நதிக்கரையில், மாமரத்தடியில் ஈர மன்னால் சிவலிங்கத்தை உருவாக்கி வணங்கி வந்தார். பார்வதியின் பக்தியை சோதிக்க, சிவன் பலத்த மழையையும் காற்றையும் பூமியில் வீசச் செய்தார். இதிலிருந்து லிங்கத்தை காப்பதற்கு, பார்வதி பெரிதும் போராடியுள்ளார்.

இறுதியில், பார்வதி முன்பு சிவன் தோன்றி அவரை மன்னித்து ஏற்றுக்கொண்டுள்ளார். இப்பொழுது இருக்கும் ஏகம்பரநாதர் கோயில், அந்த இடத்திலேயே கட்டப் பெற்றுள்ளது.

இக்கோயிலுக்குள்ளே, பார்வதி எந்த மாமரத்தடியில் சிவலிங்கத்தை வணங்கி வந்தாரோ, அந்த மரம் சென்ற ஆண்டுவரை இங்கு இருந்து வந்துள்ளது. ஆனால், இப்பொழுது அந்த மரத்தின் கண்றையே பார்க்க முடிகிறது.

அந்த மரம் பல சிறப்புகளை வாய்த்து வந்துள்ளது. அந்த மரத்தில் நான்கு கிளைகள் உண்டு என்றும், ஒவ்வோர் கிளையில் உள்ள மாம்பழங்களும் ஒவ்வோர் சுவை உடையதென்றும் கூறப்படுகிறது. இதில் காய்க்கும் பழத்தை உண்டால், குழந்தை பாக்கியம் இல்லாதவர்களுக்கு குழந்தை பாக்கியம் ஏற்படும் என்றும் கூறப்படுகிறது.

பார்வதி எந்த நதிக்கரையில் அமர்ந்து சிவபெருமானை வண‌ங்கி வந்தாரோ, அந்த நதி தற்பொழுது சிறு குளமாகவே காட்சியளிக்கிறது.

நீயும் என் மகனா???

2006-08-21T15:27:00.000+08:00

சனிக் கிழமை, கும்பகோணத்திற்கு அருகிலுள்ள "சூர்யனார்" கோயிலிற்குச் சென்றிருந்தேன். கோயில் ப்ரார்த்தனையை முடித்து விட்டு வெளியில் வரும் பொழுது, ஒரு கிழவி சாலையில் நடந்து செல்கின்றவர்களிடம் பிச்சை எடுத்துக் கொண்டிருந்தாள்.

நான் எதிர்பார்த்தது போல், என்னிடமும் பிச்சை கேட்டாள். நான் ஒன்றுமே கூறாமல், முன்னே நடந்து சென்று கொண்டிருந்தேன். அப்பொழுது அவள், "அய்யா, என்னயா நீயும் என் பிள்ளை போல் கண்டுகொள்ளாமல் செல்கிறாயே?" என்று கேட்டாள். இதை கேட்டதும் என‌க்குத் தூக்கி வாறிப்போட்டது.

நான் என்ன செய்ய முடியும்? கையில் வைத்திருந்த இரண்டு ரூபாயை அவளிடம் கொடுத்து, உள்ளத்தில் சோகத்தை அவளிடம் வாங்கிக் கொண்டு நடந்தேன்.

2006-08-18T18:59:00.000+08:00

ஜனாதிபதியின் எளிமை!!!

சமீபத்தில், குடியரசுத் தலைவர் ஜனாதிபதி திரு. அப்துல் கலாம் அவர்கள் குழந்தைகளுடன் உறையாடிக்கொண்டிருந்த‌ பொழுது, ஒரு குழந்தை, "பிற்காலத்தில், மக்கள் உங்களை விஞ்ஞானி என்று கூறுவதை விரும்புவீர்களா அல்லது இந்திய குடியரசுத் தலைவர் என்று கூறுவதை விரும்புவீர்களா?" என்று கேட்டது.

அதற்கு அவர், "பிற்காலத்தில், மக்கள் என்னை நல்ல மனிதன் என்று கூறுவதையே விரும்புவேன்" என்றார்.

இது சிறிய பதில் என்றாலும் மிகுந்த கருதாழ‌த்தைக் கொண்டது. இதை மக்கள் சற்றே சிந்தித்துப் பார்த்து, தங்கள் வாழ்கையில் பின்பற்ற‌ வேண்டும்.

2006-08-17T16:29:00.000+08:00

காலத்தைத் தாண்டி நிற்கும் காஞ்சி...

காஞ்சிபுரம்.

பழமை வாய்ந்த தமிழ் நகரங்களில் காஞ்சிபுரம் முக்கிய பங்கு வகிக்கிறது. இது சுமார் 1000 வருடங்களைத் தாண்டிய வரலாற்றைக் கொண்டது. கி.பி. 2ம் நூற்றாண்டில் இது பல்லவர் ஆட்சியின் கீழ் இருந்தது. அப்பொழுது, இங்கு கட்டப்பெற்ற பழமை வாய்ந்த கோயில்கள் ஏறாள‌ம். இதன் சிறப்பு, இன்னும் இக்கோயில் கோபுரங்கள் வின்னை முட்டிக் கொண்டு நிற்கிறது.

பிறகு, இது சோழர்களின் ஆட்சியின் கீழ் வந்தது. பொன்னியின் செல்வன் படித்திராதவர்களுக்கு ஒரு சிறு செய்தி. சுந்தர சோழர்களின் காலத்தில், அவருடைய புதல்வன் ஆதித்த கரிகாலன் தனது தந்தைக்காக ஒரு பொன் மாளிகையை எழுப்பியிருந்தார். ஆனால், இது காஞ்சியில் எங்குள்ளது என்பதை யாம் அறியோம் பராபரமே.

பின், சோழர்களின் கையிலிருந்து இது விஜய நகர அரசர்களின் கை மாறியது. காஞ்சி, இம்மூன்று அரசுக்கும் தலைநகரமாக இருந்தது குறிப்பிடத்தக்கது.

இங்கு விஷ்னு கோயில்கள் ஏறாளம் உள்ளன. சிவ ஸ்தலங்களில் புகழ் பெற்ற ஏகம்பரநாதர் கோயில் இங்கு உள்ளது. இதில், சிவபெருமானை பூமியாக வழிபடுகின்றனர்.

ஒவ்வோர் கோவில், அதன் சிறப்புகள் பற்றி வரும் பதிப்புகளில் நான் உங்களுடன் பகிர்ந்து கொள்வேன். காஞ்சியை பல அரசுகள் ஆண்டுவந்த போதும், பல்லவர் காலத்தில் கட்டப் பெற்ற கோயில்கள் கலை நயம் மிக்கவை.

2006-08-07T19:41:00.000+08:00

பிறப்பில் வருவது யாதென கேட்டேன்
பிறந்து பார் என இறைவன் பனித்தான்

இறப்பில் வருவது யாதென கேட்டேன்
இறந்து பார் என இறைவன் பனித்தான்

வாழ்வில் வருவது யாதென கேட்டேன்
வாழ்ந்து பார் என இறைவன் பனித்தான்

அனுபவித்தே தான் வாழ்வது வாழ்வெனில்
ஆண்டவனே நீ ஏன்? என கேட்டேன்

ஆண்டவன் சற்றே அருகினில் வந்து
அனுபவம் என்பதே நான்தான் என்றான்.

2006-07-28T19:18:00.000+08:00

பவித்ரா!!!

பவித்ரா எனும் திரைப்படத்தை நீங்கள் பார்த்திருப்பீர்கள். அஜீத், அவருடைய ஆரம்ப காலத்தில் நடித்த படம். அந்த படத்திற்கு பாடல்களை எழுதியவர் வைரமுத்து. இசை அமைத்தவர், ஏ.ஆர்.ரஹ்மான்.

அந்த படத்தில் வரும் பாடல்கள் அனைத்தும் அருமையாக இருக்கும். குறிப்பாக, "உயிரும் நீயே, உடலும் நீயே, உறவும் நீயே தாயே!!" எனத் தொடங்கும் பாடல் அற்புதமான வரிகளைக் கொன்டவை.

"வின்னைப் படைத்தான், மன்னைப் படைத்தான்,
காற்றும், நதியும், ஒளியும் படைத்தான்,

வின்னைப் படைத்தான், மன்னைப் படைத்தான்,
காற்றும், நதியும், ஒளியும் படைத்தான்,

பூமிக்கு அதனால் நிம்மதி இல்லை,
பூமிக்கு அதனால் நிம்மதி இல்லை,

சாமி தவித்தான்.....சாமி தவித்தான், தாயை படைத்தான்"

உன்னிக்கிருஷ்னனின் இனிய குரல் இந்த பாடலிற்கு உயிரளிப்பதாக இருந்தது.

2006-07-27T16:45:00.000+08:00

எனக்குப் பிடித்த குறள்!!!

காலத்தாற் செய்த உதவி சிறிதெனினும்
ஞாலத்தில் மானப் பெறிது.

ஒருவருக்கு தக்க காலத்தில் செய்யும் உதவி, மற்ற எல்லா உதவிகளையும் விடச்சிறந்ததாகும்.

இந்தக் குறள் எனக்கு எதனால் பிடிக்கும் என்றால், நான் தவித்துக் கொன்டிருக்கும் சில சமயங்களில் எனது நன்பர்கள் பலர் எனக்கு பல உதவிகளைச் செய்திருக்கிறார்கள். அது போலவே நானும் சில நன்பர்களுக்கு, அவர்கள் கஷ்டப்படும் சமயங்களில் உதவிகளைச் செய்திருக்கிறேன்.

பொதுவாக, ஒருவர் திருக்குறளில் வரும் 1330 குறள்களையும் நன்கு கற்று தனது வாழ்வில் பின்பற்றினால், பலர் போற்ற சிறந்த வாழ்க்கை வாழலாம்.

2006-07-26T19:21:00.000+08:00

ஆனந்த விகடன்!!!

நினைக்கும் பொழுதே எவ்வளவு ஆனந்தம்? சமீப காலமாகத்தான் நான் தமிழ் வார இதழ்களை படிக்கும் பழக்கத்தை ஏற்படுத்திக் கொன்டேன். இரண்டு, மூன்று இதழ்களை படித்த பிறகு, விகடனே என்னிடம் முதல் மதிப்பென் பெறுகிறது. காரனம், அதன் எளிமையும் அதில் வரும் கட்டுரைகளும் தான்.

குறிப்பாக சொல்லப்போனால், அதில் நான் விரும்பிப் படிப்பது "ஹாய் மதன்", "தமிழ் மன்னே வணக்கம்", "அத்தனைக்கும் ஆசைப்படு", "வேதாந்திரி", "வல்லினம் மெல்லினம் இடையினம்". இந்த பகுதிகளில் வரும் கறுத்துகள் அனைத்தும் என்னுடன் ஒத்திருக்கிறது.

கடந்த இதழில் உடல் சம்பந்தப் பட்ட பல கட்டுரைகளை பொறித்து அசத்தி விட்டார்கள்.

செய்வதைத் தொடர்ந்து செய்யுங்கள் விகடன் அவர்களே!!!

2006-07-26T18:12:00.000+08:00

பொன்னியின் செல்வன்!!!

பொன்னியின் செல்வன். நான் படிக்கும் முதல் தமிழ் காவியம்.

ஆகா, கல்கி மிகவும் அருமையான படைப்பாளி. தமிழ் மொழியை எவ்வளவு அருமையாக பயன்படுத்தியுள்ளார்?

குறிப்பாக, அவர் கதாப்பாத்திரங்களை செதுக்கிய விதம் மிக மிக அருமை. படிக்கும் பொழுதே நம்மை முற்காலத்திற்கு அழைத்துச் செல்கிறார்.

நான் ஒரே மாதத்தில் நான்கு புத்தகங்களை பதித்து முடித்து விட்டேன். இது எனக்கு புதிது. பொதுவாக ஒரு புத்தகத்தை எடுத்தால், மெதுவாக படிப்பதே எனது வழக்கம். ஆனால், கல்கி என்னை புத்தகத்துடன் கட்டிப்போட்டு விட்டார்.

என்னைப் பார்த்து எனது நன்பர்களும் இந்த அற்புதக் காவியத்தை விரும்பிப் படிக்கிறார்கள்.

இந்த காவியத்தை எனக்கு பரிசளித்த எனது அருமை நன்பன் வினு ஷங்கருக்கு எனது நன்றிகளை தெறிவித்துக் கொள்கிறேன்.

2006-07-26T15:27:00.000+08:00

இதுவே, தமிழில் எனது முதல் பதிப்பாகும்.

இன்று முதல், "எனது பாதைகளி"ன் மூலம் நான் கடந்து வரும் பாதைகள், நன்பர்கள், நிகழ்வுகள், அவற்றின் மூலம் நான் கற்றுக்கொள்வது போன்றவற்றை இந்த உலகத்துடன் பகிர்ந்து கொள்ளப்போகிறேன்.

இதன் மூலம் தகடூர் எனும் மொழிமாற்றியை வடிவமைத்த கோபிக்கு எனது நன்றிகளை தெறிவித்துக்கொள்கிறேன்!!!